2024 жылғы 4 қазандағы (№10 хаттама) шешімімен «KEGOC» АҚ Директорлар кеңесі және оның комитеттері, Директорлар кеңесінің Төрағасы мен мүшелері, сондай-ақ Корпоративтік хатшысының қызметіне баға беру мақсатында тәуелсіз кәсіби ұйымды тарту арқылы бағалау жүргізу туралы шешім қабылданды.
«KEGOC» АҚ Директорлар кеңесі мен оның комитеттері, Төрағасы, Директорлар кеңесінің мүшелері және Корпоративтік хатшысының қызметіне баға беру қағидаларына сәйкес, бірде-бір директор өз қызметіне баға беру процесіне қатыстырылмаған, тек сауалнамаға қатысқан жағдайдан басқа.
GRI 2-19
«KEGOC» АҚ Директорлар кеңесі мен оның комитеттерінің, Төрағаның, мүшелерінің және Корпоративтік хатшысының қызметіне баға беру қағидаларына сәйкес, директорлардың ешқайсысы өз қызметіне баға беру процесіне қатыстырылмаған, тек сауалнамаға қатысуын қоспағанда.Акционерлердің Жалпы жиналысында бекітілген «KEGOC» АҚ Директорлар кеңесінің құрамын қалыптастыру, оның мүшелеріне сыйақы мөлшерін белгілеу және шығыстарын өтеу қағидаларына сәйкес, директорларға төленетін сыйақы екі бөліктен тұрады: жылдық тұрақты сыйақы және Директорлар кеңесі комитеттерінің отырыстарына төрағалық ету немесе қатысу үшін қосымша сыйақы. Сонымен қатар, 2020 жылғы 26 маусымдағы (№18 хаттама) Акционерлердің жалпы жиналысының шешімімен комитеттердің ішкі отырыстарына қатысқаны үшін қосымша сыйақы төлеу тоқтатылған.
Акционерлердің Жалпы жиналысына ұсыныс қалыптастыру мақсатында Тағайындау және сыйақы беру жөніндегі комитет сыйақының мөлшері, есептеу тәртібі мен төлеу шарттары бойынша тиісті талдауды (бенчмаркингті) ескере отырып, Директорлар кеңесіне ұсынымдар дайындайды. Комитет құрамының басым бөлігін тәуелсіз директорлар құрайды.
GRI 2-20
Директорлардың тұрақты тұратын жерінен тыс жерде өткізілетін Директорлар кеңесінің және оның комитеттерінің отырыстарына, кеңестерге шығуына байланысты шығындарына өтемақы төленеді. Мұндай шығындарға Қазақстан Республикасы аумағындағы жол жүру (оның ішінде трансфер), тұру, тәуліктік төлемдер, телефон байланысы (ұялы байланыстан басқа), сканерлеу, көшіру, факс, құжаттарды басып шығару және басу, интернетке қол жеткізу, курьерлік және пошта қызметтері кіреді. «KEGOC» АҚ-тың Корпоративтік басқару кодексіне сәйкес, 2024 жылы Директорлар кеңесінің бірде-бір мүшесі өз сыйақысына қатысты шешімдер қабылдауға қатысқан жоқ.
GRI 2-18, 2-19, 2-20
«KEGOC» АҚ Басқарма Төрағасы мен мүшелерінің еңбекақы жүйесіне лауазымдық жалақы мен жыл қорытындысы бойынша төленетін сыйақы кіреді. Жыл қорытындысы бойынша сыйақы «KEGOC» АҚ бюджетінде осы мақсаттарға көзделген қаражат шегінде, аудиттелген қаржылық есептілік негізінде қаржы-шаруашылық қызмет нәтижелері бекітілгеннен кейін төленеді. Сыйақы төлеудің негізгі шарты — есепті жыл бойынша шоғырландырылған қорытынды табыстың болуы.
Есепті кезең қорытындысы бойынша Басқарма Төрағасы мен мүшелерінің қызметін бағалау кезінде «KEGOC» АҚ-тың стратегиялық мақсаттарын нақты бизнес-процестер/қызмет бағыттары бойынша әрбір Басқарма мүшесіне арналған КНҚ карталарына каскадтау жолымен әзірленетін мотивациялық КНҚ қолданылады. Мотивациялық КНҚ корпоративтік және функционалдық КНҚ болып бөлінеді, бұл ретте мақсатты мәндер «KEGOC» АҚ Директорлар кеңесімен бекітіледі.
Жыл бойы жетекші қызметкерлердің мотивациялық КНҚ орындалуына мониторинг жүргізіледі. Есепті жыл аяқталғаннан кейін барлық деңгейлердегі КНҚ нақты мәндері есептеледі.
Есептік кезеңдегі жұмыс қорытындылары бойынша сыйақы алу құқығына тәртіптік жаза қолдану кезеңінен басқа, есептік кезеңде нақты жұмыс істеген Директорлар кеңесінің мүшелері ие болды.
2023 жылдың қорытындылары бойынша корпоративтік ҚНҚ жоспарлы мәндеріне қол жеткізілді.
2024 жылы Директорлар кеңесінің мүшелері тарапынан сыйақыдан немесе болашақ сыйақылардан бас тарту фактілері немесе келісімдері тіркелмеді.
Осылайша, негізгі басқару персоналының сыйақылары мен оларға байланысты барлық басқа шығыстар (салықтар, аударымдар, еңбекке жарамсыздық парақтары, еңбек демалысы, материалдық көмек және т.б.) 2024 жылғы 31 желтоқсанда аяқталған жылға арналған аудиттелген шоғырландырылған қаржылық есептіліктегі еңбекақы шығыстары құрамында 650,35 млн теңгені құрады.
Басқарма мүшелерінің ESG КНҚ-лары
Басшылық құрамды ынталандыру жүйесінде тұрақты даму және климаттық аспектілерді басқару мәселелеріне ерекше назар аударылған. 2024 жылға бекітілген мотивациялық КНҚ шеңберінде ESG саласындағы келесі көрсеткіштер қарастырылған:
-
«ESG қағидаттарын сақтау жөніндегі жоспар іс-шараларын орындау» — климатқа теріс әсерді басқару, климаттық тәуекелдерді төмендету және экологиялық бастамаларды іске асыру саласындағы бірқатар іс-шараларды жүзеге асыруды көздейді;
-
«Басым инвестициялық жобаларды іске асыру» — 2050 жылға қарай жаңартылатын энергия көздерінің (ЖЭК) генерация көлемінің 50% деңгейіне жетуіне қарай энергия жүйесіне тиімді интеграцияны қамтамасыз етуге бағытталған;
-
«Электр энергиясын сақтау жүйелерін басқару жөніндегі алгоритмдерді АРШО (Автоматтандырылған режимдерді шоғырландыру орталығы) базасында әзірлеу» жобасын іске асыру — бұл KEGOC АҚ-ның энергия жүйесінің сенімділігін қамтамасыз ету, тұрақсыз ЖЭК генерациясын тиімді интеграциялау мен реттеу бойынша негізгі функциясын орындауын ілгерілетуге арналған.
Аталған бастамалар KEGOC АҚ тарапынан Қазақстан Республикасының 2060 жылға қарай көміртектік бейтараптыққа қол жеткізуіне қосқан үлесін білдіреді.
